Tuarascáil Bhliantúil 2008

Teorainneacha caiteachais ag toghcháin áitiúla

Ina thuarascáil bhliantúil i gcomhair 2007, thagair an Coimisiún um Chaighdeáin d’aighneacht a bhí déanta aige don Aire Comhshaoil, Oidhreachta agus Rialtais Áitiúil i ndáil le togra le teorainneacha caiteachais a thabhairt isteach ag toghcháin áitiúla. I mí Márta 2009, achtaíodh reachtaíocht le héifeacht a thabhairt don togra seo (Acht Toghcháin (Leasú) 2009). Tá áthas ar an gCoimisiún um Chaighdeáin a thabhairt dá aire go bhfuil roinnt de na moltaí a rinne an Coimisiún um Chaighdeáin ina aighneacht don Aire curtha isteach mar chuid den Acht, mar atá - teorainneacha difriúla caiteachais do thoghcháin chuig comhairlí contae agus do thoghcháin chuig comhairlí baile; ceanglas reachtúil ar údaráis áitiúla mionsonraí a fhoilsiú maidir le síntiúis a nochtadh agus speansais a tharraing siad orthu féin; agus tréimhse toghcháin lena mbaineann líon seasta laethanta (idir 50 agus 60) roimh lá na vótaíochta.

Back to contents