Tuarascáil Bhliantúil 2007

Costais i gcomhair 2007

Leagtar amach an caiteachas a cuireadh síos don Choimisiún um Chaighdeáin in 2007 sa tábla thíos. Taispeántar na figiúir i gcomhair 2006 chun críocha comparáide freisin. Déantar socrú don chaiteachas i bhFocheann B de Vóta 18 [Ombudsman].

	2006 €'000	2007 €'000
Tuarastail Foirne	675	737
Taisteal agus Costais	4	14
Speansais Theagmhasacha	112	141
Teileachumarsáidí Postais	18	25
Innealra Oifige agus Soláthairt Eile Oifige	64	31
Áitreabh Oifige	35	39
Táillí Comhairleachta Dlí	19	107
Iomlán	927	1,094

Bhí na costais fhoriomlána in 2007 níos airde ná figiúir 2006, go príomha mar gheall ar na costais bhreise a bhí i gceist le maoirseacht a dhéanamh ar olltoghcháin na Dála agus an tSeanaid in 2007 agus mar gheall ar imscrúdú foirmiúil a reáchtáladh faoin Acht um Eitic in 2007.

Tháinig an méadú ar Thaisteal agus Speansais de thoradh chlár na gcuairteanna réigiúnacha ar thug foireann an Choimisiúin um Chaighdeáin faoi i ndáil le holltoghchán na Dala, faoi mar a leagadh amach níos luaithe sa tuarascáil seo.

Tá an costas le fógra poiblí a chur i nuachtáin náisiúnta agus in irisí áirithe, le haird a tharraingt ar na hoibleagáidí reachtúla a bhíonn ar thríú páirtithe agus ar dhaoine eile a bhíonn i mbun feachtais ag olltoghchán na Dala, san áireamh leis an bhfigiúr le haghaidh Speansas Teagmhasach. Cuireadh fógra poiblí sna nuachtáin náisiúnta freisin i ndáil le himscrúdú an Choimisiúin um Chaighdeáin i gcás Chill Airne.

Is féidir an méadú faoin teideal Postas agus Teileachumarsáid a chur síos d'olltoghcháin na Dála agus an tSeanaid.

Léiríonn an méadú ar Tháillí Sainchomhairliúcháin agus Dlí an fhíric gur réachtáil an Coimisiún um Chaighdeáin imscrúdú foirmiúil faoin Acht um Eitic in 2007 agus bhí táillí dlí breise ag baint leis.

Back to contents