Státseirbhísigh

Tagann dualgais áirithe i gceist do Státseirbhísigh faoin Acht um Eitic in Oifigí Poiblí 1995 agus faoin Acht um Chaighdeáin in Oifigí Poiblí 2001 ar a dtugtar in éineacht na hAchtanna um Eitic in Oifigí Poiblí 1995 agus 2001 (na hAchtanna Eitice). Tugtar cur síos ar na dualgais a thagann i gceist faoi na ceannteidil seo a leanas:

Nochtadh Leas
Comhlíonadh Cánach
Cód Caighdeán agus Iompair

Baineann na dliteanais maidir le nochtadh sna hAchtanna Eitice le gach post sa Státseirbhís atá a dtéann uasmhéid tuarastail leis nach lú ná uasmhéid tuarastail an Phríomhoifigigh (Grád Gnáthsheirbhíse), agus le poist shonracha eile i Ranna / in Oifigí áirithe. Tugtar poist shainithe fostaíochta orthu sin. Tá na poist leagtha amach in Aguisín 3.

Tá dlite ort, i leith gach bliain a bhfuil nó a raibh post sainithe fostaíochta agat sa Státseirbhís lena linn, ráiteas i scríbhinn a ullmhú agus a chur ar fáil don Rúnaí Ginearálta/Ceann Oifige (údarás cuí) i bhfoirm a shocróidh an tAire Airgeadais, faoi do chuid leasa inchláraithe móide leasa inchláraithe do chéile nó dhuine de do chlann nó dhuine de chlann do chéile a bhfuil eolas dáiríre agat orthu agus a bhféadfadh tionchar ábharach a bheith acu ort i ndéanamh do chuid feidhmeanna nó maidir lena ndéanamh. Sa chás nach bhfuil aon leasa dá leithéid le nochtadh, iarrtar ort ráiteas a chur ar fáil ag rá nach bhfuil. Tá tuilleadh sonraí maidir leis na ceanglais ina leith seo ar faíl i gCuid 7 de na treoirlínte do sheirbhísigh phoiblí. Is féidir na foirmeacha cuí á íoschóipeáil ó shuíomh idirlín an Roinn Airgeadais.

Chomh maith leis sin, sa chás go bhfuil feidhm de chuid do phoist le déanamh agus fios dáiríre agat go bhfuil leas ábharach agat féin, nó ag duine a bhfuil baint aige / aici leat in ábhar lena mbaineann an fheidhm, ní mór duit, a luaithe is féidir, ráiteas i scríbhinn faoi shonraí an cháis a ullmhú agus a chur ar fáil don údarás cuí. Níor cheart duit an fheidhm a dhéanamh mura bhfuil cúiseanna dosheachanta ann a éilíonn go ndéanfá. Sa chás go bhfuil i gceist agat an fheidhm a dhéanamh, ba cheart duit, roimh a dhéanamh nó, mura bhfuil sin praiticiúil ar bhonn réasúnach, a luaithe is féidir ina dhiaidh, ráiteas i scríbhinn faoi na cúiseanna dosheachanta a ullmhú agus a chur ar fáil don údarás cuí. Tá míniú ar cad is bri leis na tearmaí "duine bainteach" agus "leas ábartha" ar fáil i gCuid 8 (Mínithe) de na treoirlínte do sheirbhísigh phoiblí.

Tá na dliteanais maidir le leas ábharach i gceist sa chás gur nochtaíodh an leas i ráiteas bhliantúil faoi leasa inchláraithe nó sa chás nár nochtaíodh.

D’fhéadfadh go mbeadh dlite ar Státseirbhíseach a cheaptar chun seirbhíse ar bhord chomhlachta poiblí na dualgais maidir le nochtadh a bhaineann le stiúrthóir sainithe faoi na hAchtanna Eitice a shású ar leithlí uaidh seo.

Baineann na dualgais a leagtar amach thuas le sealbhóirí agus fostaithe oifigí agus poist áirithe atá ina bpoist shainithe fostaíochta de réir forordaithe. Tá liosta de na hoifigí agus de na poist sin ar fáil i gCuid 3 de na treoirlínte.

Tá dualgais ar Státseirbhíseach a cheaptar i bpost sinsearach maidir le himréiteach cánach mar a leagtar amach i gCuid 6 de na treoirlinte.

Sa chás go gceaptar tú i bpost sinsearach, ní mór duit na cáipéisí seo a leanas a chur ar fáil don Choimisiún um Chaighdeáin in Oifigí Poiblí (Coimisiún na gCaighdeán), tráth nach faide ná naoi mí tar éis dháta an cheapacháin:

Deimhniú Imréitigh Cánach (ní mór gur Deimhniú Imréitigh Cánach é a d’eisigh an Príomhbhailitheoir Cánach taobh istigh de thréimhse naoi mí roimh nó tar éis dháta an cheapacháin), nó
Ráiteas Iarratais a d’eisigh an Príomhbhailitheoir Cánach, tar éis d’iarratas theacht, mar gheall ar iarratas a bheith déanta agat ar Dheimhniú Imréitigh Cánach agus á rá nach bhfuil cinneadh déanta mar gheall ar an iarratas go fóill (ní mór gur Ráiteas Iarratais é a eisíodh chugat taobh istigh de thréimhse naoi mí roimh nó tar éis dháta an cheapacháin) agus
Dearbhú Reachtúil, ar dearbhú é a rinne tú de réir an Achta i dtaobh Dearbhuithe Reachtúla 1938, arna leasú, arna dhearbhú go bhfuil tú, ag tráth a dhéanta, chomh fada agus is eol nó is dóigh leat, ag comhlíonadh na ndualgas a leagtar ort faoi na hAchtanna Cánach agus nach eol duit aon ní a chuirfeadh bac ar Dheimhniú Imréitigh Cánach a eisiúint (ní mór duit an Dearbhú Reachtúil a dhéanamh taobh istigh de thréimhse aon mhí amháin roimh nó tar éis dháta an cheapacháin).

Tá tuilleadh sonraí maidir le himréiteach cánach ar fáil i gCuid 6 de na treoirlínte. Tá na forimeacha cuí ar fáil faoi "Foirmeacha" ar an tsuíomh idirlín seo.

Tá dlite ar Státseirbhísigh de réir dlí aird a bheith acu ar agus treoir a ghlacadh ó “Cód Caighdeán agus Iompair na Státseirbhíse” a dhréachtaigh agus a d’fhógair an tAire Airgeadais an 9 Meán Fómhair 2004. D’fhoilsigh Coimisiún na gCaighdeán an Cód i mína Nollag 2004. Foráiltear sa chód, inter alia, gur gá do Státseirbhísigh, i ndéanamh a gcuid dualgas dóibh:

(a) Cloí leis an ardchaighdeán i soláthar na seirbhíse trí:

sheirbhís a dhéanamh go coinsiasach, ionraic, neamhchlaon do Rialtas na linne, d’institiúidí eile an Stáit agus don phobal;
fheidhmiú taobh istigh den dlí i gcónaí agus
a gcuid dualgas a dhéanamh le héifeacht, dúthracht agus cúirtéis.

(b) Iad féin a iompar go cuí ag an obair trí:

dhéileáil go báúil, cóir, tráthúil leis an bpobal agus
caitheamh lena gcomhleacaithe ar bhonn measa.

iompar chneasta, neamhchlaon, ionraic;
staonadh ó fhéachaint riamh le tionchar míchuibhiúil a imirt, go háirithe, staonadh ó fhéachaint le tionchar polaitiúil a imirt d’fhonn dul i bhfeidhm ar chinntí maidir lena bpost oifigiúil;
cloí leis na treoirlínte maidir le tairiscintí ar bhronntanais nó flaithiúlacht;
coimhlint leasa a sheachaint; agus
caitheamh lena gcomhleacaithe ar bhonn measa.

Tá tuilleadh eolais shonraithe maidir le do chuid dualgas faoi na hAchtanna Eitice ar fáil sna foilseacháin seo a leanas:

Treoirlínte maidir le Teacht le Forálacha na nAchtanna um Eitic in OifigíPoiblí 1995 agus 2001 – Seirbhísigh Poiblí (An Ceathru hEagrán)

Cód Caighdeán agus Iompair na Státseirbhíse