Comhaltaí de chuid Pharlaimint na hEorpa (MEPanna)

Tá dlite ar chomhaltaí de chuid Pharlaimint na hEorpa (MEPanna), faoin Acht Toghcháin 1997, arna leasú, (an tAcht) Ráiteas Síntiús agus Dearbhú Reachtúil bliantúil a chur ar fáil don Choimisiún um Chaighdeáin in Oifigí Poiblí (Coimisiún na gCaighdeán) roimh an 31 Eanáir gach bliain. Ní mór gach síntiús dar luach, nó dar luach comhiomlán ón síntiúsóir amháin, is mó ná €634.87 a fuarthas i rith na bliana dar críoch an 31 Nollaig roimhe sin a nochtadh sa ráiteas.

Tá dlite ar MEP a fhaigheann síntiús airgid is mó ná €126.97 cuntas shíntiús pholaitiúil a oscailt agus a choinneáil. Nímór faisnéis áirithe maidir leis an gcuntas sin a chur ar fáil gach bliain do Choimisiún na gCaighdeán.

Tá toirmeasctha ar MEP glacadh le síntiúis dar luach is mó ná €126.97 nach luaitear ainm leo, le síntiúis as tíortha iasachta gan bheann ar a luach agus le síntiúis dar luach is airde ná an uasteorainn shonraithe (€2,539.48 ón síntiúsóir amháin in aon bhliain amháin).

Tugtar de shainmhíniú ar shíntiús san Acht, cion tairbhe chun críche polaitiúil ar a n-áireofaí airgead, maoin talún, earraí nó úsáid earraí, maoin talún nó seirbhísí in aisce nó faoi bhun an chostais. Áirítear chomh maith luach glan an chion tairbhe a dhéanfaí i gcás imeachtaí chruinniú ciste.

Tugtar breis eolais do MEPanna sna foilseacháin seo a leanas maidir lena gcuid dualgas faoin Acht:

• Treoirlínte do Chomhaltaí de Thithe an Oireachtais agus d’Ionadaithe Pharlaimint na hEorpa maidir leis na bearta atá le déanamh i leith síntiús agus síntiúis thoirmeasctha (leagan Bearla)
• Treoirlínte maidir leis an toghchán do Pharlaimint na hEorpa an 11 Meitheamh 2004